Ballina / LAJMET / MEDIAT PËR NE / Në Mitrovicë u themelua Dega e LSHB-së

Në Mitrovicë u themelua Dega e LSHB-së

Në një vjetorin e themelimit të Lëvizjes për Shqipëri të Bashkuar, pjesëmarrës nga të gjitha trojet shqiptare u mblodhën në Mitrovicë, me rastin e themelimit të Degës së Mitrovicës, ku u shpalos Programi Politik i Lëvizjes për Shqipëri të Bashkuar dhe u promovua libri “Platforma për Shqipëri të Bashkuar”, me autor Tahir Veliu-n, njëherit edhe kryetar i Lëvizjes për Shqipëri të Bashkuar.

Takimi filloi me intonimin e hymnit kombëtar dhe një minutë heshtje për dëshmorët e kombit. 

Në emër të gjithë anëtarësisë, moderatorja Arbnora Mulaj uroj të pranishmit me rastin e 1 vjetorit të themelimit të Lëvizjes për Shqipëri të Bashkuar dhe themelimit të Degës në Mitrovicë.

Kryetari i LSHB-së,  Tahir Veliu uroj të gjithë të pranishmit legalizimin e Lëvizjes për Shqipëri të Bashkuar nga Republika e Shqipërisë, me ç’rast u bëri thirrje gjitha lëvizjeve dhe organizatave kombëtare, që të bashkohen dhe të punojnë për jetësimin e aktit juridik të 28 Nëntorit të vitit 1912.

“Shqiptarët kanë shumë detyrime të papërmbushura karshi Atdheut dhe Zotit. Detyrë e parë e çdo shqiptari është t’i shërbejë me përkushtim e perulësi Atdheut: aspiratës hyjnore për jetësimin e Shqipërisë së Bashkuar. Çdo shqiptar ka obligim hyjnor që kombin ta mbajnë të bashkuar, të ruaj traditat kombëtare, gjuhën dhe të gjitha këto të mos i lë që të sakrifikohen (siç janë sakrifikuar dhe sakrifikohen edhe sot) në llogari të civilizimeve që vijnë nga vende, kombe, kultura e gjuhë të huaja. Ai që nuk bënë gjithçka dhe nuk jep gjithçka për ta bashkuar Shqipërinë; ai i ka mohuar gjithçka vetvetës dhe familjes”, deklaroi kryetari i Lëvizjes për Shqipëri të Bashkuar, Tahir Veliu.

Frashër Racaj, njëri ndër nismëtarët e parë të Lëvizjes për Shqipëri të Bashkuar prezantoi Programin Politik të LSHB-së. Formimin e degës së Lëvizjes për Shqipëri të Bashkuar në Mitrovicë e nderoj pjesëmarrja e Koordinatorit të Anëtarësimeve z. Qenan Morina dhe koordinatorëvë: nga New Yorku Ilir Nikprelaj, nga Prishtina Ylli Elshani, nga Peja Jimmy Daci, nga Drenasi Muharrem Bajraktari, Alban Mulaj dhe Burim Veliu, nga Shkupi Vullnet Sadiku, nga Presheva Liridona Pajaziti, Faton Haliti dhe Nexhib Maksuti. 

Koordinatoret e zgjedhur të Degës së Mitrovicës janë: Shpetim Pllana, Berat Veliu, Sadat Sylejmani, Sherif Ahmeti, Xhelazim Baliu dhe Enver Ademi.


About Lëvizja për Shqipëri të Bashkuar

Check Also

Kastriot Berishaj reagon ndaj kërcënimeve të presidentit grek ndaj Shqipërisë

Pas Ministrit të Jashtëm, Nikos Kotzias këtë radhë është Presidenti i Greqisë, Prokopis Pavlopoulos, i …

Për anëtarësim në Lëvizjen për Shqipëri të Bashkuar vizitoni faqen zyrtare të LSHB-së; Formularin për Anëtarësim www.levizjalshb.com/anetaresohu Ndërsa, për kontakt direkt në Republikën e Shqipërisë ‭+355 67 647 0409‬ (Viber & Whatsapp) Kurse, numri kontaktues për Republikën e Kosovës vetëm për thirrje direkte është ‭+38345925245‬